kəkələmə

| sağlamlıq
2,577 | 9 | 31

əjdahalar googlla

acı uşaqlıq xatirələri - zövq verən kiçik çılğınlıqlar - ataya demək istənilənlər - xoşbəxtlik - çox dil bilməyin müsbət yönləri - sosial fobiya - mövsümi depressiya - marina joyce - əlini bir yerə qoymaq ehtiyacı

Yalnız deyilsən!

Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.

Əgər yalnız hiss edirsənsə, 860 qaynar xəttinə müraciət etməyini tövsiyə edirik.

1. artikulyasiya aparatının qıcolması ilə nəticələnən pozulmadır.nitqin tempo-ritmik pozulmasıdır.yeganə nitq pozulmasıdır ki,loqonevroz adlanır.yaranma səbəbi iki yerə ayrılır.funksional və orqanik. funksional kəkələmə-mərkəzi və periferik sinir siteminin nitq mexanizmində hər hansı orqanik bir zədələnmə olmur.tez heyacanlanan və əsəbi uşaqlarda2-5 yaş aralığında meydana gəlir.yaranma səbəbi-sürətli danışmaq,kəkələyən digər adamı yamsılamaq(ən gec korreksiya olunan növüdür),ağır məişət şəraiti,stress,aqressiv münasibət,qorxular,yanlış tərbiyə üsulu,nitqin umumi inkişafdan qalması,nitq səslərinin yanlış tələffüzü.
orqanik-istənilən yaş düvründə yarana bilər,mərkəzi sinir sisteminin zədələnməsi ilə meydana gəlir.ağır beyin xəstəlikləri,travmalar,infeksion xəstəliklər səbəb ola bilər.
3 növü vardır

1)klonik kəkələmə-sa sa sa sa sa salam,mə mə mə mə mə nim a a a a a dım vvvvshah.
2)tonik. birinci səsi uzadır,sonra söz partlayış şəklində çıxır. s-----ən a-----maqsan.
3)qarışıq.klonik-tonik(m-m-m-mən ya---tıram)tonik-klonik(m------ən g-g-g-əlmirəm).
əlavə: oğlanlarda qızlara nisbətən 4 dəfə daha çox rast gəlinir.

15 əjdaha!

27.05.2015 16:48, sistem robotu

#166963

Yalnız deyilsən!

Əgər yalnız hiss edirsənsə, 860 qaynar xəttinə müraciət etməyini tövsiyə edirik.

2. psixi cəhətdən zəifsinizsə bərbad bir şeydir, yox, deyilənlərə, zarafatlara qoz qoyan deyilsizsə deməli zamanla özünüzü buna öyrəşdirmisiniz. kəkələməyin bəlkə də yeganə faydası budur.

3 əjdaha!

27.05.2015 18:07, soso

#166982

Yalnız deyilsən!

Əgər yalnız hiss edirsənsə, 860 qaynar xəttinə müraciət etməyini tövsiyə edirik.

3. Həyatım boyu nifrət etdiyimi düşünsəm belə xarakteriminin formalaşmasına və bir çox hobi və maraqlarımın oyanmasına dolaylı da olsa səbəb olan problem.Ona qarşı olan hislərim yumuşadıqdan sonra axıcılığım artdı.Artıq bir-birimizə öyrəşmişik və haluk meltem ikilisi kimi yaşayırıq -*.Açıqcası terapiyaya getmək yaxşı fikirdir amma, 100% nəticə gözləmək düzgün bir hədəf deyil.Heç bir terapist sizin kəkəməlik ritminizə siz qədər hakim ola bilməz amma,terapiya sizə bir çox şey qatacaqdır.Və ekstra olaraq da paul stamets oxuyub qaza gəlməyin.Paul yaşadığı güclü bir psychedelic experience nəticəsində bir anda kəkəməliyi yox olub.Lakin,bu çox şəxsi bir təcrübədir,müalicə olaraq düşünülə bilməz.Çünki psixodelik trans zamanı kontrol tam olaraq sizdə deyil və yönləndirmək də çox mümkün deyil,tam tərsi bir təslimiyyət var.Elə bir müalicə olsa idi mən indiyə kimi bülbül olardım -*.Nəticəni ancaq özünüzdə axtarın və qoz qoymadan yaşamağa davam edin.

2 əjdaha!

03.06.2024 20:04, floydian geek

#384969

Yalnız deyilsən!

Əgər yalnız hiss edirsənsə, 860 qaynar xəttinə müraciət etməyini tövsiyə edirik.

4. 7 yaşından bəri sahib olduğum , olabildiyincə emosional yanaşmadan uzaqlaşmış olduğum və üzərinə çox düşündüyüm , bir çox terapiya və loqoped təcrübələrindən keçdiyim , üstünə məqalələr və araşdırmalar oxuduğum , amma hələ də bilinməzləriylə məni heyrətə gətirən xəstəliyim.Birincisi bunu qəbul etmək lazımdır ki , kəkəməlik hələ də tibb dünyasına yad bir problemdir və bu problemin niyə ortaya çıxdığı ilə belə bağlı çox az məlumatımız var..Açıqcası bu problemlə bağlı tövsiyə verməkdən və öz yöntəmlərim haqqında yazmaqdan da çəkinirəm çünki , o qədər subyektiv qalır ki bu yöntəmlər , bəzən özüm belə tez-tez bu problemə bir daha yenidən və fərqli yanaşmalı oluram.Amma düşünürəm ki olduqca obyektiv və hərkəs üçün keçərli olabiləcək bəzi nöqtələr var və bunları sadalayacaq olsaydım :
1.Qəbullanma prosesi - Nə olursa olsun insan həyatı boyu bu problemə qarşı inkar pozisiyasında olur.Qəbullanma olmadıqca , aynaya baxıb "mən kəkəməyəm" cümləsini rahatlıqla qurmadıqca , kəkələdiyiniz zaman özünüzdən utanıb çəkinmədən ayna qarşısında özünüzü müşahidə etmədikcə , müsbət tərəfə doğru bir dəyişiklikdən söz gedə bilməz.
2."Yenmək" psixologiyası - Bu problemi bir düşmən kimi görüb onu "məhv etmək" , "yenmək" kimi düşüncələr içindəsizsə əgər , yenə qalıcı olaraq müsbətə doğru gediş çox mümkün olmayacaq.Düzgün baxış bucağı bu problemi qəbullanmaq , onu qucaqlamaq və ola bildiyincə tərbiyə etməyə çalışmaq , onun qayğısına qalmaq və həyatınıza olan mənfi təsirlərini ortadan qaldırmağa çalışmaq olmalıdır.Düşməncə yaxınlaşıb şüuraltınıza savaş açmaq istəsəniz , qalib olan siz deyil o olacaq.
işin fiziki praktikası və istifadə edilən metodikalar isə çox uzun mövzudur ki , bəlkə axotum olan bir vaxt öz təcrübələrimi bu başlığa ayrı bir entry ilə əlavə edərəm

3 əjdaha!

07.01.2025 01:58, floydian geek

#389464

Yalnız deyilsən!

Əgər yalnız hiss edirsənsə, 860 qaynar xəttinə müraciət etməyini tövsiyə edirik.

5. hippokrat bratelnikimizin sayəsində 15 il əvvəl öyrəndiyim hal. fMRI və EEG tədqiqatları göstərir ki, sol yarımkürədəki Broka sahəsi (danışıq istehsalı) ilə əsas motor korteksi arasında anormal əlaqə var. Sağ yarımkürə bu pozuntuları kompensasiya etməyə çalışır, lakin bu, qeyri-effektiv işləməyə səbəb olur.(buna Asinxron beyin aktivliyi deyilir). Zamanlama və motor koordinasiya üçün həyati əhəmiyyət kəsb edən Bazal Qanqlionun Disfunksiyası kəkələmə ilə əlaqələndirilir və danışıq ritmlərinin pozulmasına səbəb olur. Gen Mutasiyalarına gələndə, GNPTAB, GNPTG və NAGPA genlərindəki spesifik mutasiyalar lizozomal fermentlərin işlənməsini pozur və danışıq səlisliyi ilə bağlı olan beyin bölgələrinə təsir edir. Əkizlər üzərində aparılan bəzi tədqiqatlar 75%-lik genetik təsiri(75% olduğuna tam əmin deyiləm, səhv xatırlamış ola bilərəm)ortaya qoymuşdur ki, bu da irsi meyilliliyi vurğulayır. Kəkələmə ən çox 2-6 yaşlarında meydana çıxır, bu vaxtlar da dil öyrənmək üçün kritik dövr sayılır. Sürətli söz ehtiyatının artımı neyron sistemlərini aşırı yükləyə bilər. ilk insanlar arasında danışığın inkişafı "kəkələmə" mərhələlərindən keçib, güman ki, burada bu hallar düşünmə prosesindəki boşluqları doldurmaq üçün vasitə kimi anlamaq olar. Əsas səbəb olmasa da, kəkələmə sosial narahatlıq və yüksək özünüqavrama ilə şiddətlənə bilər. Qədim mətnlərdə, bratvamız Hippokratın yazılarında, kəkələmə bədənin mayelərinin balanssızlığı ilə əlaqələndirilib ki, bu da vəziyyətin tarixi yanlış anlaşılmasını göstərir. Hippokrat özü də yaxşı oğlan olub, qan, bəlğəm, sarı öd və qara öd kimi dörd əsas bədən mayesi nəzəriyyəsini inkişaf etdirmişdir. Məsələn Hippokrat abimizin “Hippocratic Corpus
” adlanan mətn toplusunda umumi sağlamlık üçün bədəndəki mayelərin balanının önəmindən danışılır ki, bu da nite bozuntuları kimi halların müalicəsi ilə bağlıdır. Kəkələmə ilə bağlı bəzi mədəni damğalar var, keçmişdə şəxsiyyət qüsuru və ya ilahi cəza kimi damğalı car idi ki, günümüz elmi bunu təkzib edir. Yeri gəlmişək bu damğaların hələ də olduğuna dair məlumatlar var.

1 əjdaha!

12.01.2025 17:54, Venison Tenderloin

#389571

üzv ol

Modalı bağla